Azimeşerfe Aziz-Qızı — Anama (Şakir Selim)

Ель олсам, къуш олсам, учсам узакъкъа,
Бахытсыз омюрим кечкен юртларгъа.
Ве къайтсам бир авуч топракъ алып мен
Анамнынъ къабринден тувгъан якъларгъа.

Гонълюме теселли олса о топракъ,
Ватанда анъдырса сени о эр вакът.
Иджреттен юртунъа къайтмадынъ, анам,
Яткъанда, тургъанда мен онъа янам.

Кедерли анълерде юрегим агълар,
Мен сени тюшюнсем тардыр дюньялар.
Аджизмиз, чаре не, такъдир шай олды,
Ябанджы иллерде чектик аизар.

Сен бугунь янымда ёкъсынъ, анайым,
Къартайдым озюм де, чалдыр самайым.
Юрегим сызлагъан, алсызлангъанда
Айт, анам, мен сени къайдан алайым?

Яткъанда тюшюмде, юргенда онъумда,
Козюмнинъ огюнде турасынъ, анайым.
Къыдырам, къыдырам, амма сен ёкъсынъ,
Айт энди мен сени къайдан арайым?

 

Автор: Шакир Селим
Читает: Азимешерфе Азиз-Къызы

 

Возможно вам понравится...