Emil Ibragimov — Ezan sesi (Bekir Çoban-Zade)

Акъшам устю, эзан сеси джангъыра,
Дертлерни Хакъ къатына чагъыра.
Эзан сеси минареден джайыла…
Кокке чыгъа, мунълы, ёргъун байыла…
Чай къатында акъ сакъаллы къартбабай
Титрек къолун салкъын сувда увалай…
Деренлерден “Аллаh!” сеси хош келе,
Акъ манълайлар джерге тие, юкселе…

Мен гъарипмен, месджидим ёкъ киреджек…
Мирабына мунълы бетим сюреджек…
Эзан сеси биякъларгъа келялмай,
Татлы, татлы къулагъыма тиялмай…

Акъ сакъаллы къоншу мазин яшаймы?
Кене “Аллаh” деп сёзюне башлаймы?
“Аллаh” десе эшиткенлер боламы?..
“Танърым, къуртар!” деп джамиси толамы?..
Ёкъсам кене бир-бирини къаргъайлар?
Бир-бирини джакътырмакъчюн джылайлар?..
Озюн ташлап гъарип джурткъа сарылгъан,
Бармы “Джуртум!” деп сесчини къарылгъан?..
“Хакъ” дегенде не дуясыз джурт ичюн?
Джурт кемирген бир къач ельун къурт ичюн?

Эзан сеси биякъларгъа келялмай,
Татлы, татлы къулагъыма тиялмай…

Эп джамилер шай къапанмай бир гедже,
Къарт мазинлер ольмез бурун гизлидже…
Джыйлышынъыз, эзан сесин къачырмай,
Гунанъызны Салгъардайын ташырмай…
Къол котерип акъ юрекмен коклерге,
Башынъызны ялмай къойып серт ерге,
Хакъ къатында юрт савлыгъын тиленъиз!
Озенъизге яхшы олюм истенъиз!

Эзан сеси бу якъларгъа келялмай,
Татлы, татлы юрегиме тиялмай…

Читает: Эмиль Ибрагимов

 

Возможно вам понравится...