Muslim Umeroglu — Bu qısqa köpürden men sensiz keçalmam

Бу къыскъа копюрден мен сенсиз кечалмам, 
Тёшеме тахтасы алтындан олса да. 
Бир ютум сувумны мен сенсиз ичалмам, 
Этрафым гъаркъ олып сув иле толса да. 

Омюрге шефкъатнынъ кольгеси сюзюльсе, 
Эр заман мен сени дёрт козьнен арарым. 
Огюме гузельден гузеллер тизильсе, 
Мен сени оларнынъ периси санарым. 

Гъайретнен тырышып аслынгъа етмесем, 
Эбедий азаплар джанымны ах-вахлар. 
Сени мен ёлума ёлдашым этмесем, 
Гонълюмни дерт бийлер, юрегим къан агълар. 

Бу къыскъа копюрден мен сенсиз кечалмам, 
Тешеме тахтасы алтындан олса да. 
Бир ютум сувумны мен сенсиз ичалмам, 
Этрафым гъаркъ олып сув иле толса да. 

Автор: Юнус Темиркъая
Читал: Муслим Умероглу 

Возможно вам понравится...