Найле Абдухаирова — Сёз Боткъасы (Эрдживан Керменчикли)

Осьмюр яшлы бир огълан 
Озю — дызман. 
Джан-юректен лаф эте 
Яш бир къызман. 

-Пардон, мадам, багъышла, 
Прости меня. 
Бир корьгенде от души 
Севдим тебя. 

Их либе дих, ангел мой, 
Инан магъа! 
Без тебя я не хочу 
Яшамагъа. 

Гуд бай, леди-эльвида! 
До свиданья! 
Къысмет олып еще раз 
Корюшкендже. 

Инглиздже, немседже, 
Франсызджа, 
Яры къырымтатарджа, 
Яры русча. 

Не виргули сезиле, 
Не нокътасы- 
Чешит тильден топлангъан 
Сез боткъасы. 

Огренмектен, бильмектен 
Артта къалма. 
Лякин бойле яшлардан 
Орнек алам! 

Огренмеге, бильмеге 
Чешит тиль чокъ. 
Лякин Ана тилинден 
Якъын тиль екъ! 

Читает: Найле Абдухаирова
Автор: Эрдживан Керменчикли

Возможно вам понравится...